Viðskiptaskilmálar

Vista Expo ehf. – Viðskiptaskilmálar

1. Kaup
Við kaup á aðgöngumiðum, sýningarrými eða annarri vöru og þjónustu frá Vista Expo ber kaupanda að fara vandlega yfir pöntun sína (viðburð, dagsetningu, tíma, staðsetningu, stærð, svæði o.s.frv.). Að jafnaði er ekki unnt að leiðrétta kaup eftir að þau hafa átt sér stað.

2. Endursala og framsal
Óheimilt er að endurselja miða, sýningarrými eða aðra keypta þjónustu í hagnaðarskyni án skriflegrar heimildar Vista Expo eða viðburðahaldara. Komi slík endursala eða óheimilt framsal upp, áskilur Vista Expo sér rétt til að ógilda kaupin án endurgreiðslu.

3. Afturköllun eða breytingar á viðburði/þjónustu
a) Ef viðburður eða þjónusta fellur niður: Kaupendum býðst annaðhvort sambærileg vara/þjónusta á nýrri dagsetningu eða full endurgreiðsla.
b) Ef dagsetning, tími eða umfang viðburðar/þjónustu breytist: Kaupin gilda sjálfkrafa fyrir nýju útfærsluna. Ef hún hentar ekki á kaupandi rétt á endurgreiðslu.

Vista Expo getur þó sett ákveðinn frest í tilkynningu um breytingar sem viðskiptavinir þurfa að nýta til að hafna kaupum.

4. Aldurstakmarkanir á viðburðum
Aldurstakmarkanir á viðburðum ráðast af barnaverndarlögum og lögum um áfengisveitingarstaði. Börnum yngri en 18 ára er óheimilt að dvelja á stöðum þar sem áfengi er selt eftir kl. 20:00 nema í fylgd forráðamanns.

Viðburðahaldari getur þó sett strangari aldurstakmarkanir sem ganga framar reglum Vista Expo.

5. Glataðir miðar eða staðfestingar
Í undantekningartilvikum er mögulegt að endurútgefa glataða miða, staðfestingar eða önnur kaupaskjöl.

6. Samskipti og kynningarpóstar
Með kaupum í gegnum Vista Expo samþykkir kaupandi að fá tölvupósta með upplýsingum um viðburð, sýningu eða tengda þjónustu frá viðburðahaldara.

Óski kaupandi eftir því að afþakka slíka pósta, skal hafa samband með tölvupósti á info@vistaexpo.is.

7. Persónuupplýsingar
Vista Expo vinnur með persónuupplýsingar í samræmi við gildandi lög og reglur.

8. Ábyrgð á eignum
Vista Expo og viðburðahaldarar bera ekki ábyrgð á persónulegum munum kaupenda, sýnenda eða gesta fyrir, meðan á, eða eftir viðburð stendur.

9. Réttur til að falla frá kaupum
Kaupandi hefur 14 daga frá kaupdegi til að falla frá kaupum og óska eftir endurgreiðslu. Þessi réttur gildir þó ekki ef færri en 14 dagar eru í viðburð eða þjónustu þegar beiðni er lögð fram.

Fyrirtækjaupplýsingar

Vista Expo ehf.
Kennitala: 651102-3080
Netfang: info@vistaexpo.is
Sími: +354 893 8164