Golf sem gulrót, líkamsrækt fyrir kylfinga
Bjarni Már Ólafsson
Bjarni Már Ólafsson er stofnandi og eigandi Golfstöðvarinnar í Glæsibæ, sjúkraþjálfari og TPI golfstyrktarþjálfari með margra ára reynslu af einkaþjálfun, hópþjálfun og sjúkraþjálfun kylfinga á öllum getustigum frá byrjendum til atvinnukylfinga.
Hvetjandi og fræðandi fyrirlestur sem fjallar um það að nota golfið sem drifkraft í líkamsrækt.
Farið yfir nálgun Golfstöðvarinnar sem er líkamsrækt, sjúkraþjálfunarstöð og golfhermastöð fyrir kylfinga sem vilja bæta heilsu, styrk og líkamlega frammistöðu til þess að verða betri í golfi.
Farið verður yfir helstu áherslur í styrktarþjálfun kylfinga, kylfuhraðaþjálfun, meiðslahættu og fleira byggt á vísindalegum grunni.